ՌԴ նախագահի մամուլի ծառայության ղեկավար Դմիտրի Պեսկովը մեկնաբանել է Գերմանիայից Խոդորկովսկու վերադառնալու հնարավորությունը: «Նա ազատ կարող է վերադառնալ Ռուսաստան: Միանգամայն»,- ասել է Պեսկովը, ով հրաժարվել է խոսել ազատ արձակման պայմաններից, ինչպես նաև քաղաքական կյանքին Խոդորկովսկու մասնակցության հնարավորությունից:
Մամուլի ասուլիսի ժամանակ խոսնակը պարզաբանել է, որ «ՅՈՒԿՕՍ»-ի նախկին ղեկավարը երկու նամակ է գրել Վլադիմիր Պուտինին` մեկը կարճ և պաշտոնական, մյուսը` երկար և անձնական:
Հիշեցնենք, որ ազատվելուց հետո Խոդորկովսկին ամիջապես մեկնել է Գերմանիա:
