ՌԴ նախագահի աշխատակազմում կորոնավիրուսային վարակի մեկ դեպք կա: Eadaily-ի հաղորդմամբ՝ այս մասին հայտարարել է պետության ղեկավարի մամուլի քարտուղար Դմիտրի Պեսկովնը։
«Ես գիտեմ մի դեպքի մասին և կարող եմ դա հաստատել, երկրորդի մասին չգիտեմ»,- ասել է Պեսկովը:
Միևնույն ժամանակ, նա շեշտել է, որ վարակված աշխատակիցը կապ չի ունեցել նախագահ Վլադիմիր Պուտինի հետ, ապա հավաստիացրել, որ նախագահի աշխատակազմը ձեռնարկում է բոլոր անհրաժեշտ սանիտարահիգիենիկ միջոցները, «որպեսզի կանխվի վիրուսի հետագա տարածումը»:
