Քիչ առաջ Մեղրիից Երեւան վերադառնալու ճանապարհին «Ժառանգության» պատգամավոր Զարուհի Փոստանջյանի վրա են հարձակվել, ՌԴ-ի անվտանգության աշխատակիցները: Նրանք փակել են ճանապարհը, թույլ չեն տվել, որ պատգամավորն ու «Ժառանգության» ներկայացուցիչները տեղաշարժվեն: Իսկ, երբ փորձել են տեսանկարահանել այդ ամենը, ՌԴ-ի ներկայացուցիչներից մեկը հարձակվել եւ կոտրել է նրանց տեսախցիկը: Այս պահին անվտանգության աշխատակիցների հետ տիկին Փոստանջյանը բանակցություններ է վարում եւ պահանջում բացատրել, թե ինչ իրավունքով են փակել այդ ճանապարհը եւ ինչ իրավունքով են կոտրել իրենց տեսախցիկը: Aravot.am-ը ձայնագրել է նրանց զրույցի մի հատվածը, որի ընթացքում սահմանապահը բացատրում է Զարուհի Փոստանջյանին, որ իրենք ընդամենը իրենց ծառայությունն են իրականացնում: Պատգամավորն էլ բացատրում է, որ ինքն էլ իր ծառայություններն է իրականացնում եւ որ անմիջապես բացեն ճանապարհը, իսկ կոտրած տեսախցիկի եւ իր իրավունքների խախտման հարցով կզբաղվի դրանից հետո:
Ամբողջական հոդվածը` այստեղ
