 Ռուսաստանի և ՆԱՏՕ-ի հարաբերություններն ունեն իրենց դրական և բացասական կողմերը: Այսպիսի կարծիք է հայտնել Հյուսիսատլանտյան դաշինքի ( ՆԱՏՕ) քարտուղար Անդերս Ֆոգ Ռասմուսենը,- հաղորդում է ITAR-TASS գործակալությունը:
«Մենք Ռուսաստանի հետ հարաբերություններում գործնական հաջողություններ ենք գրանցել: Դա վերաբերում է ինչպես Հյուսիսատլանտյան դաշինքի ուժերին Աֆղանստոնում տարանցիկ ուղիների տրամադրմանը, այնպես էլ հակաահաբեկչական գործունեությանը և ծովահենների դեմ պայքարին: Իսկ ինչ վերաբերում է Հակահրթիռային պաշտպանության օբյեկտների տեղադրմանը, ապա այս հարցում մենք դեռ տարբեր մոտեցումներ ունենք։ Չնայած դրան՝ ես հույս ունեմ, որ մենք ի վերջո համաձայնության կգանք:
Ճիշտն ասած, Ռուսաստանը պետք է զգուշանա ոչ թե Արևմուտքի, այլ Հարավի սպառնալիքից: Ըստ իս՝ Ռուսաստանի օգուտը ՆԱՏՕ-ի և ԵՄ հետ կառուցողական համագործակցության մեջ է»,- հայտարարել է Ռասմուսենը: |
