Տաջիկստանի գործող նախագահ Էմոմալի Ռահմոնը նախնական տեղեկություններով՝ հաղթում է Տաջիկստանի նախագահական ընտրություններում։ Այս մասին հաղորդում է Reuters գործակալությունը՝ հղում կատարելով այդ երկրի ընտրական հանձնաժողովին։
Ռահմոնը ստացել է ձայների 83,6%-ը։ Ընտրություններին ընդհանուր առմամբ մասնակցում էր 5 թեկնածու։ Վերջնական արդյունքները կհրապարակվեն 10 օրվա ընթացքում։ Ռահմոնի մրցակիցները լուրջ բողոքներ չեն ներկայացրել։
