51-ամյա Ջուլյա Ռոբերթսը բրենդի ներկայացման ժամանակ հանդես է եկել նոր ֆոտոշարքով, որը ներշնչված է դերասանուհուն համաշխարհային ճանաչում բերած «Սիրունիկը» ֆիլմի իր հերոսուհու կերպարով:
Նույնիսկ 30 տարի անց դերասանուհին չի կորցրել իր փայլը ՝ ապացուցելով, որ կնոջ գեղեցկության և կանացիության վրա չի կարող ազդել տարիքը:
Ինչպես գրում է Daily Mail-ը, Ռոբերթսն այս ոճով ներկայացրել է Calzedonia նորաձևության ապրանքանիշը:
Հիշեցնենք, որ համաշխարհային աստղեր Ռիչարդ Գիրի և Ջուլյա Ռոբերթսի գլխավոր դերակատարմամբ ֆիլմը թողարկվել է 1990 թվականին: Այն պատմում է ֆինանսական մագնատ Էդվարդ Լուիսի մասին, որը, մոլորվելով գիշերային քաղաքում, ավտոմեքենեն կանգնեցնում է մարմնավաճառ Վիվիանի մոտ՝ խնդրելով նրան ցույց տալ իր հյուրանոց տանող ճանապարհը, ինչից հետո սկսվում է զույգի սիրային պատմությունը:
