Փետրվարի 25-ին ԱՄՆ պետքարտուղար Ջոն Քերիի առաջին տեղակալ Ուիլյամ Բըրնսը պաշտոնական այցով մեկնելու է Կիև։ Պետդեպարտամենտից հայտնում են, որ Բըրնսը մտադիր է հանդես գալ կարճ ժամանակում նոր կառավարության ձևավորման կոչով։
Կիևում պետքարտուղարի տեղակալը պատրաստվում է հանդիպումներ ունենալ մի շարք քաղաքական և հասարակական գործիչների հետ, այդ թվում՝ Ուկրաինայի նախագահի պաշտոնակատար, Գերագույն ռադայի խոսնակ Ալեքսանդր Տուրչինովի, «Բատկիվշինա» խմբակցության ղեկավար Արսենի Յացենյուկի և խորհրդարանի պատգամավորների հետ։
