Երգիչ Ջասթին Թիմբերլեյքը մեծ ավարով է հեռացել Billboard Music Award երաժշտական մրցանակաբաշխությունից, որը կայացել է այսօր Լաս Վեգասում։ Նա ստացել է 7 մրցանակ, այդ թվում՝ «Տարվա լավագույն երգիչ» անվանակարգում։
Imagine Dragons խումբը ստացել է 5 մրցանակ, երգչուհի Լորդը համարվել է «տարվա բացահայտում», իսկ նրա Royals երգը հաղթել է «Լավագույն ռոք-երգ» անվանակարգում։
Արդեն տեղեկացրել ենք, որ այս միջոցառման ժամանակ կազմակերպիչները նախապատրաստել էին անակնկալ։ Բեմում հայտնվել է Մայքլ Ջեքսոնի հոլոգրաֆիկ պատկերը։ Նա կենդանի պարողների ուղեկցությամբ «կատարել է » Slave to the Rhythm երգը։
