Ռուսաստանի նախագահ Վլադիմիր Պուտինը հայտարարել է, որ Ռուսաստանը մոտ ապագայում Հայաստանի և Ղազախստանի հետ կստեղծի համատեղ հակաօդային պաշտպանության համակարգ: Այս մասին հաղորդում է Gazeta.ru-ն` հղում կատարելով RIA-Novosti գործակալությանը:
Պուտինի խոսքերով` կուժեղացվի նաև Բելառուսի հետ ՀՕՊ միասնական համակարգը: Նա կարծիք է հայտնել, որ նման համագործակցությունը «զգալի կավելացնի Ռուսաստանի և գործընկերների պաշտպանական ներուժը, կօգնի եվրասիական տարածքում խաղաղության և կայունության ամրապնդմանը»:
«Կմեծացնենք մեր ավանդական գործընկերների և դաշնակիցների, հատկապես` ՀԱՊԿ-ի, ՀՇԿ և ԱՊՀ-ի մասնակիցների հետ համագործակցությունը», ասել է Պուտինը:
