Ռուսաստանի նախագահ Վլադիմիր Պուտինն ու նրա իրանցի գործընկեր Հասան Ռուհանին հեռախոսազրույցում քննարկել է Իրանի միջուկային ծրագրի շուրջ բանակցությունների ընթացքը: Այս մասին հաղորդում է RIA-Novosti գործակալությունը:
Նախագահները մանրամասն քննարկել են Սիրիայի հարցը` շեշտելով խաղաղ կարգավորման անհրաժեշտությունը. «Իրանի խաղաղ միջուկային ծրագրի համատեքստում Պուտինը նշել է, որ ներկայումս իրական հնարավորություն է ստեղծվել այս բազմամյա խնդրի կարգավորման համար: Իր հերթին, Իրանի առաջնորդը բարձր գնահատական է տվել «Վեցյակի» միջազգային միջնորդների շրջանակներում կատարվող աշխատանքներին»,- ասվում է հաղորդագրության մեջ:
