Ռուսաստանի նախագահ Վլադիմիր Պուտինը նոյեմբերի 22-ին կժամանի Սանկտ Պետերբուրգ, որտեղ կկայանա Ռուսաստանի Դաշնության և Թուրքիայի Հանրապետության համագործակցության բարձրագույն խորհրդի նիստը: Կրեմլի մամուլի ծառայությունում ասել են, որ այս միջոցառման շրջանակներում կկայանա Վլադիմիր Պուտինի և Ռեջեփ Թայիպ Էրդողանի առանձնազրույցը:
Թուրքիայի վարչապետը պաշտոնական այցով Ռուսաստանում կգտնվի նոյեմբերի 21-22-ը` Ռուսաստանի ղեկավարի հրավերով: Քննարկման հիմնական թեմաներն են առևտրա-տնտեսական և հումանիտար ոլորտներում համագործակցությունը, այդ թվում` համատեղ ռազմավարական նախագծերի իրականացումը «Ակկայի» ատոմակայանի շինարարությունը և «Հարավային հոսք» գազամուղը:
