«Ռուսաստանի նախագահ Վլադիմիր Պուտինը վերջին բանակցությունների ժամանակ նստել է սեղանի շուրջ, ժպտացել, հետո հանել սեղանի տակից КГБ-ի արխիվային դոսյեները և ասել Ուկրաինայի նախագահին. «Դե ինչ, Վիկտոր Ֆեդորովիչ, կամ Դուք ընտրում եք ԵՄ-ը և ամբողջ Ուկրաինան ծանոթանում է այս փաստաթղթերի հետ, կամ էլ Ուկրաինան միանում է ՄՄ-ին»: Եվ ահա հրաշք կատարվեց՝ Յանուկովիչը որոշեց հրաժարվել եվրաինտեգրումից: Նման կարծիք ИА REGNUM-ի հետ զրույցում հայտնել է ուկրաինացի պատգամավոր, «Բատիկիվշինա»-ի անդամ Ալեքսանդր Բրիգինեցը:
Պատգամավորի կարծիքով նմանատիպ իրադրություն է ստեղծվել նաև ամիսներ առաջ Սերժ Սարգսյանի հետ հանդիպման ժամանակ, երբ վերջինս անակնկալ կերպով հրաժարվեց եվրաինտեգրման վեկտորից` հօգուտ Մաքսային միության:
