ՌԴ նախագահ Վլադիմիր Պուտինը վստահեցրել է, որ Ռուսաստանը հուսալիորեն կապահովի Սոչիում կայանալիք օլիմպիական խաղերի անվտանգությունը, և միջազգային հանրությանը կոչ է արել չվախենալ և միավորել ջանքերն ընդդեմ ահաբեկչության։
«Մեր խնդիրն է ապահովել օլիմպիական խաղերի մասնակիցների և մարզական այդ տոնի հյուրերի անվտանգությունը։ Եվ մենք ամեն բան կանենք դրա համար։ Եթե մենք տկարություն ցուցաբերենք, վախենանք, ապա կաջակցենք ահաբեկիչներին իրենց նպատակների իրականացման գործում», — ասել է Պուտինը՝ «Ռոսիա 1» հեռուստաալիքին տված հարցազրույցում։
Հիշեցնենք, որ Սոչիում կայանալիք ձմեռային օլիմպիական խաղերը մեկնարկելու են փետրվարի 7-ին։
