Ռուսաստանի նախագահ Վլադիմիր Պուտինը հայտարարել է, որ բանտում գտնվող գործարար Միխայիլ Խոդորկովսկին ներման նամակ է հղել իրեն: Պուտինն ասել է, որ առաջիկայում պատրաստվում է հրաման արձակել այս կապակցությամբ: Նման հայտարարություն ՌԴ ղեկավարն արել է այսօր կայացած մամուլի ասուլիսի ժամանակ:
Պուտինը տեղեկացրել է, որ Խոդորկովսկին իր նամակում հղում է կատարում հումանիտար բնույթի հանգամանքերի:
Հիշեցնենք, որ հայտնի գործարարը դատարանի որոշմամբ ազատ կարձակվի միայն 2017 թվականին: Վերջին մի քանի օրերին խոսվում էր նրա նկատմամբ քրեական նոր գործ հարուցելու մասին:
