Ռուսաստանի նախագահ Վլադիմիր Պուտինը հայտարարել է, որ Ռուսաստանը չի խանգարում ոչ մեկի շահերին, սակայն թույլ չի տա որեւէ մեկի ռազմական գերակայությունն իր երկրի նկատմամբ:
«Ոչ ոք պատրանք չպետք է ունենա Ռուսաստանի նկատմամբ ռազմական գերակայության մասին: Մենք դա երբեք թույլ չենք տա», — ասել է Պուտինը Դաշնային խորհրդին ուղղված իր ելույթում: Նա նշել է, որ «ռուսական միջուկային եռահամակարգի ուժեղացման համար նոր տեխնոլոգիաներ են մշակվում»: Պուտինի խոսքերով` առաջիկա 20 տարիների ընթացքում ռազմարդյունաբերական ոլորտի բոլոր ձեռնարկությունները ամբողջությամբ ծանրաբեռնված կլինեն:
