Ռուսաստանի և Թուրքիայի հարաբերությունները հաջող են զարգանում: Այս մասին հայտարարել է Ռուսաստանի նախագահ Վլադիմիր Պուտինը Թուրքիայի վարչապետ Ռեջեփ Թայիպ Էրդողանի հետ հանդիպման ժամանակ: Այս մասին հաղորդում է ITAR-TASS գործակալությունը:
Պուտինը ողջունել է Թուրքիայի վարչապետին Սանկտ Պետերբուրգում, որտեղ ընթանում են երկկողմ բարձր մակարդակի բանակցությունները: Պուտինը հույս է հայտնել, որ այս հանդիպումը միայն կաջակցի լավ զարգացող հարաբերություններին:
Էրդողանն, իր հերթին, ասել է, որ մեծ նշանակություն է տալիս այսօրվա բանակցություններին, որի ընթացքում հույս ունի քննարկել երկկողմ հարաբերությունների արդիական խնդիրները. «Հավատացած եմ, որ կան քայլեր, որոնք մենք դեռ պետք է համատեղ իրականացնենք»,- ասել է Էրդողանը:
