«Բարսելոնայի» պաշտպան Կարլես Պույոլը կարծում է, որ Մադրիդի «Ռեալի» նկատմամբ հոկտեմբերի 26-ին կայանալիք Էլ Կալսիկոյում հաղթելու համար անհրաժեշտ է լավագույն խաղը ցուցադրել։ Պույոլը նշել է մադրիդցիների խաղը, որն օրեց օր ավելի հզոր է դառնում։
«Մենք խոսում ենք աշխարհի երկու խոշորագույն ակումբների մասին։ Չկա մեկն, ով չցանկանար ամսնակցել այդ հանդիպմանը։ Վերջին ժամականերում նրանք բավականին հաջող են հանդես գալիս մեր հարկի տակ խաղերում։ Մենք պետք է մեր լավագույն խաղը ցուցադրենք և խուսափենք հակագրոհներից։ «Ռեալը» շատ արագ թիմ է», — ասել է Պույոլը։ Այս մասին հաղորդում է ՈւԵՖԱ-ի պաշտոկան կայքը։
Հիշեցնենք, որ վաղը կայանալիք Էլ Կլասիկոն կմեկնարկի Երևանի ժամանակով 20։00-ին։
