Պորտու Ալեգրի քաղաքը հնարավոր է հրաժրվի 2014 թվականի աշխարհի առաջնութան խաղերի ընդունումից, եթե մերժվի այն օրինագիծը, որով արտոնություններ են սահմանվելու մրցաշարի անցկացման համար կառույցների շինարարությանը մասնակցած ընկերություններին: Այս մասին հայտարարել է քաղաքի ղեկավար Խոսե Ֆորտունատին:
«Եթե օրինագիծը չընդունվի, մեզ մոտ` Պորտու Ալեգրիում, աշխարհի առաջնություն չի լինի: Մենք պլան «Բ» կամ «Գ» չունենք», — ասել է նա: Քվեարկությունը տեղի է ունենալու այսօր: Ավելի վաղ կառավարությունն արգելել էր բյուջետային միջոցներ ծախսել այն շինությունների համար, որոնք չեն շահագործվելու աշխարհի առաջնությունից հետո:
Պորտու Ալեգրիի մարզադաշտը կընդունի խմբային մրցաշարի չորս, ինչպես նաև 1/8 եզրափակիչի մեկ հանդիպում:
