Ուկրաինայի նախագահ Պետրո Պորոշենկոն ԱՄՆ-ի փոխնախագահ Ջոզեֆ Բայդենի հետ զրույցում հայտարարել է, որ պատրաստ է վերականգնել երկրի արևելքում կրակիդադարեցման ռեժիմը: Այս մասին հաղորդում է BBC-ն:
Ինչպես հաղորդվում է Ուկրաինայի նախագահի կայքում՝ դա կարող է տեղի ունենալ «հենց որ հաստատվի, որ հրադադարը կպահպանվի երկկողմանի ֆորմատով», ինչպես նաև բոլոր գերիների ազատ արձակման և սահմանի նկատմամբ ԵԱՀԿ-ի դիտորդական առաքելության հսկողության հաստատման պայմանով:
Պորոշենկոն նշել է, որ քաղաքական բանակցությունների մեկնարկի համար որևէ այլ պայման անհրաժեշտ չէ:
Նախորդ հրադադարը հայտարարվել էր հունիսի 20-ին ու տևել 10 օր : Հունիսի 30-ին Պորոշենկոն հայտարարել էր, որ չի երկարագելու կրակի դադարեցման ռեժիմը, քանի որ ռուսամետ ապստամբների «հանցավոր գործողությունների հետևանքով» բաց է թողնվել հակամարտության խաղաղ կարգավորման ընձեռնված հնարավորությունը:
