Արգենտինայում Ռոսարիո լողափում ավելի քան 60 մարդ է տուժել պիրանյա ձկների հարձակումից։ Այս մասին հաղորդում է RIA-Novosti գործակալությունը։
Վերջին տասը օրերի ընթացքում Արգենտինայի տարբեր նահանգներում, այդ թվում՝ Սանտա Ֆեում, որտեղ գտնվում է Ռոսարիոն, շատ շոգ եղանակ է, այնտեղ երբեմն ջերմաստիճանը հասնում է +38-ի։ իսկ բնակիչները, օգտվելով Ծննդյան տոների կապակցությամբ հայտարարաված արձակուրդներից, ցանկանում էին հանգստանալ լողափերում։
Տուժածների մեջ են 7 երեխա, որոնցից երկուսը լուրջ վնասվածքներ են ստացել։ Ներկայումս լողափերը փակ են։
