ՊԵԿ նախագահն այսօր ասուլիսում ասաց, որ հասցեական սուբսիդիաներ կտա բիզնեսին կորոնավիրուսի տարածման պատճառով: «Երկու օրից, կարծում ենք, կառաջարկենք օժանդակության ձեւը»,- ասաց ՊԵԿ նախագահը:
Արդյոք ընկերությունը կարող է չվճարել աշխատակիցներին: ՊԵԿ նախագահն ասաց, որ դա աշխատանքային օրենսդրությամբ կարգավորվող հարց է: «Բացի այդ՝ պարետատանը պետք է դիմել նման հարցերով»,- ասաց պարոն Անանյանը:
Պետբյուջեի եկամուտների, հարկերի հավաքագրման նվազման հարցեր են ի հայտ գալու: ՊԵԿ-ն ինչ քայլեր է անելու: «Վարչապետը գլոբալ խնդիրներ առաջ քաշեց՝ երեկվա տնտեսությունը գոյություն չունի: Եթե համաշխարհային տնտեսությունը վերափոխումների է ենթարկվում, լոկալիզացնել խնդիրները՝ ճիշտ չէ: Պետբյուջեի թերակատարում կլինի, բայց ինչքան՝ ոչ ոք չի կարող ասել»,- պատասխանեց կառավարության անդամը:
