Այա Սոֆիայի վերափոխումը մզկիթի չի ազդի Ռուսաստանի և Թուրքիայի հարաբերությունների վրա: Այս մասին հուլիսի 17-ին հայտարարել է Ռուսաստանի նախագահի մամուլի քարտուղար Դմիտրի Պեսկովը:
Ռուսաստանը նախևառաջ համարում է, որ դա Թուրքիայի ներքին գործն է, երկրորդ՝ հույս ունի, որ ամեն դեպքում հաշվի կառնվի այն սրբազան նշանակությունը, որը տաճարն ունի շատ քրիստոնյաների համար, ասել է Պեսկովը «Ավտոռադիո»-ին տված հարցազրույցում:
Կրեմլի խոսնակը նաև շեշտել է, որ Ռուսաստանը ստացել է բացատրություն, որ զբոսաշրջիկների համար տաճարի մուտքը անվճար կլինի: Ավելի վաղ տոմսերը բավականին թանկ արժեին, ուստի այս փոփոխությունը կարելի է հաջողություն համարել, նշել է նա:
Հուլիսի 16-ին Թուրքիայի մշակույթի նախարարությունը հայտարարել է, որ տաճարը՝ համաշխարհային ժառանգության օբյեկտի իր կարգավիճակը կպահպանի մզկիթի վերածվելուց հետո: Ըստ վարչության պետ Մեհմեթ Նուրի Էրսոյի, համապատասխան փաստաթուղթ է ստորագրվել: Նա խոստացել է, որ շենքում արագացվելու են վերականգնման աշխատանքները, իսկ օտարերկրացիների համար մուտքն անվճար կլինի:
Թուրքիայի նախագահ Ռեջեփ Թայիփ Էրդողանը հուլիսի 10-ին հրամանագիր է ստորագրել Այա Սոֆիան մզկիթի վերածելու մասին: Միաժամանակ, 1934 թվականից տաճարի թանգարանային կարգավիճակի մասին համաձայնագիրը չեղարկվել է:
Մի շարք երկրներ և Ռուսաստանի Ուղղափառ եկեղեցին դեմ են արտահայտվել տաճարի կարգավիճակի փոփոխությանը: Սակայն Կրեմլը Թուրքիայի ներքին խնդիր է համարել Այա Սոֆիան մզկիթի վերածելու ծրագիրը: Ռուսաստանի նախագահի մամուլի քարտուղար Դմիտրի Պեսկովը նշել է որպես թանգարան՝ տաճարի մուտքի պահպանման կարևորությունը:
