ԱՄՆ պաշտպանության նախարար Չակ Հեյգելը զգուշացրել է ուկրաինացի իր գործընկեր Պավել Լեբեդևին՝ Կիևի կենտրոնում ցուցարարների դեմ ցանկացած ուժի կիրառման անթույլատրելիության մասին։ Հեյգելը հեռախոսազրույց է ունեցել Ուկրաինայի ՊՆ ղեկավարի հետ։ Այս մասին հաղորդում է Reuters գործակալությունը։
Պենտագոնի մամուլի քարտուղարն այս կապակցությամբ հայտարարել է, որ ամերիկյան պաշտպանական գերատեսչության ղեկավարը շեշտել է «զինվորականների՝ ցույցերը ցանկացած ձեւով ցրելու մասնակցության վնասների մասին»։ Նա նաև զգուշացրել է, որ «նման վնասներ» կլինեն, եթե ցույցերը ցրելուն մասնակցեն Ուկրաինայի զինված ուժերի ցանկացած ստորաբաժանումներ։
