Ռուսաստանի Պենզա քաղաքում խանութի մոտակայքում գտնվող ավտոկայանատեղիում մեքենան ընկղմվել է եռման ջրով լի փոսը: Այս մասին հաղորդում է ТАСС-ը:
Ինչպես հայտնի է դարձել, միջադեպի հետևանքով երկու մարդ մահացել է:
Ստացված տեղեկատվության համաձայն, ողբերգությունը տեղի է ունեցել հողաշերտի փլուզման պատճառով, որն առաջացել է տաք ջրամատակարարման խողովակի խափանման հետևանքով: Փրկարարները հանել են մեքենան եւ զոհվածների դիերը։
Դեպքի հանգամանքները ճշտվում են:
