Նորվեգուհի Քրիստին Լունդը դարձել է պատմության մեջ առաջին կինը, ով ղեկավար պաշտոն է ստացել ՄԱԿ-ի խաղաղապահ առաքելությունում։ Լունդը ղեկավարելու է Կիպրոսում այդ կազմակերպության խաղաղապահ առաքելությունը այս տարվա օգոստոսից։ Այս մասին հաղորդում է BBC-ն։
Նրա խոսքերով՝ հիմա շատ կարևոր է, որպեսզի մյուս կանայք իրենց կարիերայի աճի հնարավորություն տեսնեն։ Ավելի վաղ նորվեգուհին ծառայել է Լիբանանում, Բոսնիայում և Աֆղանստանում, ինչպես նաև խաղաղապահ առաքելության մաս է կազմել Պարսից ծոցի պատերազմի ժամանակ (չի նշվում որ պատերազմի — խմբ․)։
Հիշեցնենք, որ ՄԱԿ-ի խաղաղապահ առաքելությունը Կիպրոսում է գտնվում 1964 թվականից, որպեսզի ապահովի խաղաղությունը Կիպրոսի հույների և թուրքերի միջև։
