«Ընդդեմ կենսաթոշակային պարտադիր վճարների» նախաձեռնող խումբը ՀՀ Ազգային ժողովի պատգամավորներին դիմում-պահանջ է ներկայացրել, որին կարող եք ծանոթանալ ստորև:
«Մենք՝ Հայաստանի Հանրապետության քաղաքացիներս և ընտրողներս, դիմում ենք Ազգային ժողովի բոլոր 131 պատգամավորներին՝ նոյեմբերի 15-ին կայանալիք և «Կուտակային կենսաթոշակների մասին» ՀՀ օրենքի քննրկմանը նվիրված` ԱԺ արտահերթ նիստին պարտադիր մասնակցության պահանջով։ Անժխտելի է, որ Ազգային ժողովի յուրաքանչյուր պատգամավորի պարտքն է՝ պաշտպանել քաղաքացիների շահերը և կատարել իր ընտրողների պատգամը։ Ըստ ՀՀ Սահմանադրության Հոդված 66-ի՝ «Պատգամավորը կաշկանդված չէ հրամայական մանդատով, առաջնորդվում է իր խղճով եւ համոզմունքներով»: Ուստի ԱԺ բոլոր պատգամավորներից պահանջում ենք առաջնորդվել միմիայն ՀՀ Սահմանադրությամբ, սեփական խղճով և Հայաստանի Հանրապետության քաղաքացիներին երկրի բարձրագույն օրենսդիր մարմնում ներկայացնելու պատասխանատվության գիտակցությամբ. կատարել ձեր՝ պատգամավորի և քաղաքացու պարտքը»։
