Արթուր Վանեցյանի՝ ԱԱԾ տնօրենի պաշտոնից ազատելուց հետո, Նիկոլ Փաշինյանի կողմից գործադիր եւ օրենսդիր ոլորտներում փոփոխությունները շարունակական են լինելու։ Irakanum.am-ին հայտնի է դարձել, որ առաջիկա օրերին հրաժարականի դիմումներ կներկայացնեն որոշ նախարարներ ու պատգամավորներ՝ իշխող խմբակցությունից։
Մասնավորապես, այս պահին հստակ է, որ հաջորդ հրաժարականը ներկայացնելու է պաշտպանության նախարար Դավիթ Տոնոյանը։ «Վարչապետը համակարգային փոփոխություններ է իրականացնելու»,- ասաց իշխանական մեր աղբյուրը։
Հիշեցնենք, որ Դավիթ Տոնոյանը պաշտպանության նախարարի պաշտոնում նշանակվել էր 2018 թվականի մայիսի 11-ին, մինչ այդ զբաղեցնում էր ԱԻ նախարարի պաշտոնը։ Տոնոյանը եղել է նաեւ ՀՀ պաշտպանության փոխնախարար։
