«Քաղաքացիական պայմանագիր» կուսակցության հանրային կապերի համակարգող Վահագն Ալեքսանյանը ֆեյսբուքյան իր էջում տեսանյութ է հրապարակել ու զուգահեռ գրել.
«ՍԴ անդամ Ֆելիքս Թոխյանը էսօր գիշերը քնել, առավոտը արթնանալ որոշում կայացնելուց ու ժողովրդին ծառայելուց է խոսել։
Էն նույն Ֆելիքս Թոխյանը, որ 2014-ին Արմնյուզով հայտարարում էր, թե ԱՆՄՏՈՒԹՅՈՒՆ Է կենսաթոշակային պահումներն անել մինչև սեպտեմբերի 30-ը ու դրանից ուղիղ երկու ժամ անց, երբ Արմնյուզի եթերն արդեն հեռացված էր կաբելային տեսադարանից, արդեն Շանթի եթերում հայտարարում էր, որ դա ԹՅՈՒՐԻՄԱՑՈՒԹՅՈՒՆ Է, վճարումները պիտի արվեն մինչև ամսի 30-ը։
ԹԵ բա՝ ես որպես իրավաբան ամոթ եմ զգում։ Ամոթ»:
Տեսանյութի ներքո Ալեքսանյանը մեկնաբանել է. «Ի դեպ, չի հասցրել նույնիսկ հագուստը փոխի ու նոր գնա նոր հարցազրույց տալու, որտեղ ասելու էր երկու ժամ առաջ ասածի լրիվ հակառակը»։
