Չինական Ուհան քաղաքի բնակիչը պատռել է թոքը, երբ հորանջել է: 26-ամյա չինացուն տեղափոխել են հիվանդանոց, երբ նա հորանջելուց ձգվել է: Բժիշկները անցք են հայտնաբերել նրա թոքերից մեկում: Այս մասին հաղորդում է ECNS.cn կայքը:
Տղամարդը պատմել է, որ աշխատանքի գնալուց առաջ հորանջել է և ձգվել, ինչը ցավեր է առաջացրել կրծքավանդակում: Սակայն նա դրան լուրջ չի վերաբերվել: Շուտով ցավն անտանելի է դարձել, քանի որ ինքը չի կարողացել շնչել: Բժիշկները նկարել են երիտասարդի թոքերը և պարզել, որ հիվանդը պնևմոտորաքս է տանում, երբ թոքերի պլևրալ հատվածում օդ է հավաքվում, ինչի հետևանքով թոքը պատռվում է:
