Չինական Huading Award կինոմրցանակն «Աշխարհի լավագույն դերասան» է ճանաչել Նիկոլաս Քեյջին: Այս մասին հաղորդում է Xinhua գործակալությունը:
Հաղորդագրության մեջ ասվում է, որ Քեյջն անձամբ է ներկա գտնվել մրցանակաբաշխությանը, որը տեղի է ունեցել Մակաոյում: Բացի Քեյջից, մրցանակներ են ստացել նաև Նիկոլ Քիդմանը և Քվենտին Տարանտինոն: Քիդմանը հաղթել է աշխարհի լավագույն դերասանուհի, իսկ Տարանտինոն` լավագույն ռեժիսոր անվանակարգերում:
Huading Award կինոմրցանակը հիմնադրվել է 2007 թվականին Global Talents Media Group ընկերության կողմից: Որոշ անվանակարգերում հաղթողներին որոշում է ժյուրին, մյուսներում` հեռուստադիտողները:.
