Չինաստանն ընթացիկ տարում ՕՊԵԿ-ի երկրներից նավթամթերքի ներմուծման ծավալներով կշրջանցի Միացյալ Նահանգներին, ինչը կարող է լուրջ ազդեցություն ունենալ աշխարհաքաղաքական զարգացումների վրա Մերձավոր Արևելքում և Պարսից ծոցում: Այս մասին հաղորդում է The Wall Street Journal-ը:
Պարբերականը գրում է, որ մի քանի տարի առաջ Չինաստանը գերազանցեց ԱՄՆ-ին՝ Պարսից ծոցի երկրներից գնված նավթի ծավալներով, այս տարի ասիական այդ երկիրը կգերազանցի նաև ընդհանուր ՕՊԵԿ-ի երկրներից ձեռք բերվող նավթամթերքների քանակով: «Չինաստանն առաջին կիսամյակում ՕՊԵԿ-ից ներմուծում էր 3,7 մլն բարել նավթ, ԱՄՆ-ը` 3,5 մլն: Երրորդ տեղում Հնդկաստանն է` 3,4 մլն բարել: Դեռևս 2004 թվականին ԱՄՆ-ն ՕՊԵԿ երկրներից ներմուծում էր 5,0 մլն բարել, իսկ Չինաստանը` 1,1 մլն»,- գրում է թերթը:
Ծավալների այս փոփոխությունը կհանգեցնի Մերձավոր Արևելքում ԱՄՆ-ի և Չինաստանի հարաբերությունների սրմանը, քանի որ ԱՄՆ-ը սկսել է նավթ արդյունահանել սեփական տարածքում և այլևս լուրջ կախվածության մեջ չէ մերձավորաևելյան նավթից:
