Չինաստանում հրապարակել են հիվանդությունից լիովին ապաքինված 20 մարդու` հիվանդանոցից դուրս գրվելու կադրերը: Այս մասին հաղորդում է Daily Mail պարբերականը:
Պետական լրատվամիջոցներով հրապարակված և մեծ տարածում գտած 11 վայրկյան տևողությամբ տեսանյութի կադրերում երևում է, թե ինչպես են մարդիկ ուրախությամբ լքում Ուհանի Ցզինինթան հիվանդանոցը` հետևում թողնելով հիվանդությունն ու ավելի քան քսան օրվա ապրումները:
Ցզինինթան հիվանդանոցը համարվում է Ուհան քաղաքում կորոնավիրուսով վարակվածներ փնտրող հիմնական հաստատություններից մեկը:
Ինչպես ավելի վաղ տեղեկացրել ենք, Չինաստանի մայրաքաղաք Պեկինում կորոնավիրուսի նոր տեսակով վարակվածների թիվը հասել է 156-ի, մահվան նոր դեպքեր չեն գրանցվել:
