Չինաստանի արտգործնախարար Վան Ին իր իրանցի գործընկեր Մոհամադ Ջավադ Զարիֆի հետ զրույցի ընթացքում նշել է, որ ԱՄՆ-ի ռիսկային ռազմական գործողությունները միջազգային իրավունքի հիմնարար սկզբունքների խախտում են հանդիսանում և ապակայունացման են տանում Մերձավոր Արևելքը: Այս մասին տեղեկացնում է РИА Новости-ն:
Զրույցը տեղի է ունեցել իրանական կողմի նախաձեռնությամբ: Իրանի արտգործնախարարը ներկայացրել է իր երկրի դիրքորոշումն ԱՄՆ-ի վերջին գործողությունների վերաբերյալ:
«ԱՄՆ-ի ռիսկային ռազմական գործողությունները միջազգային իրավունքի հիմնարար սկզբունքների խախտում են հանդիսանում և տանում են Մերձավոր Արևելքում իրավիճակի սրման»,-հայտարարել է Չինաստանի արտգործնախարարը:
