Չիլին կրկին կին նախագահ ընտրեց

Չիլիի նախագահական ընտրությունների երկրորդ տուրում հաղթել է երկրի նախկին նախագահ Միշել Բաչելեն։ Այս մասին հաղորդում է CNN-ը։

93 տոկոս քվեաթերթիկների մշակման արդյունքում պարզվել է, որ նա հավաքել է ընտրողների ձայների 62 տոկոսը։ Նրա հիմնական մրցակից՝ իշխող պահպանողական կուսակցության ներկայացուցիչ Էվելին Մատեին ստացել է ձայների 37.7 տոկոսը։

Հիշեցնենք, որ Բաչելեն այս պաշտոնը զբաղեցրել է 2006-2010 թվականներին։