Կենսաթոշակային օրենքում կատարված փոփոխությունները, որոնք պետք է գործեն 2014 թվականի հունվարի 1-ից, ինչպես հայտնի է, չի ընդունվում հասարակության կողմից: Այս իրողությունը մեծ բողոքի ալիք կբարձրացներ, որը հղի էր լինելու իշխանությունների և, մասնավորապես, վարչապետ Տիգրան Սարգսյանի համար անդառնալի հետևանքներով, եթե չլինեին մի քանի գործարարներ, որոնք «պոդդերժկա» արեցին Տիգրան Սարգսյանին:
Մի քանի խոշոր գործարարներ հայտարարեցին, որ պատրաստվում են վճարել իրենց աշխատակիցների փոխարեն սահմանված տոկոսները, որպեսզի դժգոհություններ չլինեն: Սակայն, ըստ մեր ունեցած տեղեկությունների, այս ակցիանˋ խոշոր գործարարների կողմից այնքան էլ ինքնաբուխ չի եղել, և այստեղ մեծ աշխատանք է իրականացրել Տիգրան Սարգսյանըˋ նրանց հետ մասնավոր հանդիպումներ ունենալով: Այս կերպ նա կարողացել է մի քանի գործարարների համոզել, որպեսզի աջակցեն իրենˋ իր պլանները ժողովրդի վրա «սաղացնելու» համար:
Հետաքրքիրն այն է, որ որոշ գործարարներ, ովքեր միացել են վարչապետի ծրագրին, չեն պատրաստվում երկար կատարել այդ վճարումները և սպասում են, որպեսզի կրքերը հանդարտվեն, որից հետո էլ իրենք կանցնեն հին համակարգին, իսկ իրենց աշխատակիցները չեն կարող դժգոհել:
