Միջադեպ է տեղի ունեցել Հոգեկան առողջության պահպանման ազգային կենտրոնում (Նուբարաշենի հոգեբուժարան):
Ըստ ArmLur.am-ի հաղորդած տեղեկության խորհրդակցության ժամանակ հոգեբուժարանի աշխատակից Վաղինակ Հովհաննիսյանի եւ տնօրեն Սերգեյ Խաչատրյանի միջեւ ընդհարում է տեղի ունեցել:
Ըստ որոշ տեղեկությունների՝ բանը հասել է նրան, որ Խաչատրյանն աթոռ է նետել Հովհաննիսյանի վրա: Արդյունքում Վաղինակ Հովհաննիսյանն այս պահին ոստիկանությունում է եւ բացատրություն է տալիս:
«Գիտեք ես հիմա ոստիկանությունում եմ, չեմ կարող ձեր հարցերին պատասխանել»,- ArmLur.am-իհետ զրույցում ասել է Վաղինակ Հովհաննիսյանի հետ:
Հարցին՝ արդյոք իր վրա աթոռ են նետել, հարցին արձագանքեց.
«Կներեք, այո: Ես չեմ կարող Ձեզ պատասխանել, շնորհակալ եմ, որ զանգել եք»:
Իսկ Սերգեյ Խաչատրյանը լսելով մեր հարցն զարմացավ. «Չէ, բացարձակ, ոչ մի բան էլ տեղի չի ունեցել: Անհիմն բաներ է ասում, դա իր գործն է: Ես հիմա չեմ կարող խոսել, զբաղված եմ»:
Ի դեպ, տեղեկացնենք, որ Վաղինակ Հովհաննիսյանին Նարեկ Վանեսյանի պաշտոնավարման ժամանակ ազատել էին աշխատանքից, սակայն դատարանի միջոցով Հովհաննիսյանը վերականգնվել է աշխատանքի:
Մանրամասները՝ սկզբնաղբյուր կայքում։
