Սերբ կիսապաշտպան Նեմանյա Մատիչը Լիսաբոնի «Բենֆիկայից» տեղափոխվել է Լոնդոնի «Չելսի»։ Քիչ առաջ անգլիական ակումբը պաշտոնապես հայտարարել է 25-ամյա ֆուտբոլիստի հետ 5 և կես տարվա պայմանագիր ստորագրելու մասին։
Ինչպես տեղեկացնում է «Բենֆիկայի» պաշտոնական կայքը, Մատիչի տրանսֆերը «Չելսիին» 25 մլն եվրո է արժեցել։
Հիշեցնենք, որ Մատիչը 2009-2011 թվականներին համարվում էր «Չելսիի» ֆուտբոլիստ, սակայն նրան այդպես էլ չհաջողվեց ամրապնդվել թիմի հիմնական կազմում, որից հետո վարձավճարով խաղաց «Վիտեսում», այնուհետև տեղափոխվեց Պորտուգալիա։
