Չելսին և Արսենալը հետաքրքրվում են Բարսելոնայի պարագվայցի տաղանդավոր ֆուտբոլիստով

17-ամյա պարագվայցի հարձակվող Անտոնիո Սանաբրիան հայտնվել է լոնդոնյան երկու գրանդերի՝ «Չելսիի» և «Արսենալի» ուշադրության կենտրոնում։ Այս մասին հաղորդում է Sky Italia։ Մինչ այս նրա ծառայություններով հետաքրքրվում էր իտալական «Ուդինեզեն», սակայն իտալական ակումբն այդպես էլ չկարողացավ ձևակերպել նրա տրանսֆերը։

Սանաբրիան «Բարսելոնայում» է հայտնվել 2009 թվականին, երբ 13 տարեկան էր։ Խաղաոճով նա նման է Քարիմ Բենզեմային։ Սանաբրիան հասցրել է երկու հանդիպում անցկացնել Պարագվայի հավաքականում։