Ուրուգվայի նախագահը ստորագրեց մարիխուանայի օգտագործման օրինականացման օրենքը

Ուրուգվայի նախագահ Խոսե Մուխիկան այսօր ստորագրել է մարիխուանայի օրինականացման մասին օրենքը։ Այս մասին հաղորդում է Associated Press գործակալությունը։

Ուրուգվայը դարձել է աշխարհի առաջին երկիրը, որտեղ օրինականացվել է այդ թմրամիջոցի օգտագործումն ու արտադրությունը։ Ավելի վաղ այս օրենքը հաստատվել էր երկրի խորհրդարանի երկու պալատներում։

Ուրուգվայի իշխանությունները կարծում են, որ այս օրենքով հնարավոր կլինի օրինականացնել այս դաշտը և տասնյակ հազարավոր երիտասարդների զերծ պահել թմրաբիզնեսում ներգրավվելուց։