Արդեն տեղեկացրել ենք, որ Ուրուգվայը դարձել է աշխարհի առաջին երկիրը, որտեղ օրինականացվել է մարիխուանայի արտադրությունն ու օգտագործումը: Թմրանյութերի տարածման դեմ պայքարի այս ձեւը արգենտինյան գործակալության ղեկավար Խուան Կարլոս Մոլինան չի բացառել եւ ասել է, որ նման օրենք կարող է ընդունվել նաև իր երկրում:
«Մենք էլ ունենք նման որոշման հասնելու հնարավորություն: Չպետք է թերագնահատենք մեզ», — ասել է Մոլինան: Այս մասին հաղորդում է The Global Post-ը: Նրա խոսքերով, նախագահ Կրիստինա Ֆերնանդես դե Քիրշները նույնպես աջակցում է այս առաջարկին:
Փորձագետները չեն բացառում, որ Հարավային Ամերիկայի մյուս երկրները նույնպես կարող են ընդունել նմանատիպ օրենքներ:
