«Երբ փորձում ենք միջոցներն արդյունավետ ծախսել, մեզ մեղադրում են դրա համար: Շատ տարօրինակ մեղադրանք է»,- այսօր կառավարության նիստում ասաց վարչապետ Նիկոլ Փաշինյանը, երբ ՀՀ աշխատանքի եւ սոցիալական հարցերի նախարար Զարուհի Բաթոյանը տեղեկացրեց՝ մանկատների եւ գիշերօթիկիների օպտիմալացման արդյունքում կբարձրանա մանկատների աշխատակիցների աշխատավարձը:
Վարչապետի կարծիքով՝ դա լավ մեղադրանք է, որի համար ուրախ է: Պետական միջոցները պետք է արդյունավետ ծախսվեն: Այնպես չէ, որ 96.000 դրամը բարձր աշխատավարձ է: Արդյոք դայակը բավարար հմտություն ունի՝ որակով ծառայության մատուցելու մանկատան երեխային: «Մենք չենք ցանկանում փողով վերաբերմունք գնել: Մենք ուզում ենք բարձր որակավորում ունեցող մասնագետի մոտ հետաքրքրություն առաջացնել»,- ասաց կառավարության ղեկավարը:
