ՀՀ արդարադատության նախարար Ռուստամ Բադասյանը լրագրողների հետ ունեցած իր հարցազրույցի ժամանակ մասնավորապես նշեց.
«Մենք հիմա ունենք դատական օրենսգրքի փոփոխություններ և դրան զուգահեռ սկսած սահմանադրական բարեփոխումների պրոցես: Այսինքն՝ իմ կողմից բոլոր գործողություններն են կատարվել այդ առումով, և եթե ինչ-որ մարդիկ կան, ովքեր առանց պատկերացում ունենալու կարող են նման քննադատություն հնչեցնել, որ հնարավոր էր ամեն ինչ անել մինչ այժմ. պետք է ցույց տան այդ ճանապարհները: Ես բազմիցս նշել եմ էն բոլոր կետերը, որոնք հնարավորություն չեն տալիս, օրինակ, ալբանական մոդելը Հայաստանում կիրառել»:
