Գերագույն ռադայի խոսնակ Ալեքսանդր Տուրչինովն այսօր կայացած խորհրդարանական նիստում հայտարարել է «Ռեգիոնների կուսակցությունից» պատգամավորներ Լեոնիդ Կլիմովի և Միխաիլ Օպանասենկոյի հեռանալու մասին։ Այս մասին տեղեկանում ենք «Կորեսպոնդենտից»։
Հիշեցնենք, որ ավելի վաղ խմբակցության ղեկավար Ալեքսանդր Եֆրեմովը հայտարարել է, որ պաշտոնական տվյալներով՝ արդեն 74 պատգամավոր հեռացել է կուսակցությունից։
Բացի այդ, Եֆրեմովը հայտնել է, որ «Ռեգիոնների կուսակցությունն» այսուհետ հանդես է գալու որպես ընդդիմություն։
