Ուկրաինայի ընդդիմադիր «Բատկովշինա» ֆրակցիայի ղեկավար Արսենի Յացենյուկը բացասական գնահատել Վիլնյուսում կայացած գագաթնաժողովի հետևանքները, որտեղ Ուկրաինան հրաժարվեց ԵՄ-ի հետ ստորագրել ասոցացման մասին համաձայնագիր։ Այս մասին հաղորդում է Interfax գործակալությունը։
«Վիլնյուսում տապալումից հետո մենք զարթնեցինք նոր երկրում։ Ուկրաինան Վիլնյուսից հետո ավելի նմանվում է Բելառուսին»,- ասել է նա՝ նշելով, որ «այժմ գլխավոր նպատակը ոստիկանությունից մարդկանց ազատելն է»։
Հիշեցնենք, որ այս գիշեր ոստիկանական ուժերը հարձակվել են Մայդանում եվրաինտեգրման կողմնակիցների վրա՝ բռնի ուժով նրանց դուրս մղելով Կիևի կենտրոնից։ Կան տասնյակ վիրավորներ։
