Ուկրաինան Ռուսաստանի սպառման վերահսկողության ծառայությանը մեղադրել է հանրահայտ Roshen ապրանքանիշի արտադրանքի վերաբերյալ կեղծ տեղեկություններ տարածելու մեջ: Այս մասին գրում է RIA-Novosti գործակալությունը:
Մինչև հիմա Ռուսաստանն Ուկրաինային մեղադրում էր կոնֆետների մեջ անթույլատրելի նյութեր օգտագործելու մեջ: Սակայն անցած շաբաթ ստուգման ժամանակ խախտումներ չհայտնաբերելուց հետո Roshen-ին մեղադրել է հնացած տեխնոլոգիաներով շոկոլադ արտադրելու մեջ:
«Ռուսաստանի սպառման վերահսկողության ծառայության հայտարարության մեջ, որն արվել է Roshen-ում ստուգումից հետո, տեղ են գտել ակնհայտ կեղծ տեղեկություններ, իսկ դրա տոնայնությունը չի համապատասխանում ուկրաինա-ռուսական հարաբերությունների ոգուն», — ասվում է Ուկրաինայի գյուղնախարարության հայտարարության մեջ:
