Ուկրաինայի ազգային անվտանգության ծառայությունը հայտարարել է, որ մեկ ամսվա ընթացքում ձերբակալել է լրտեսների և դիվերսանտների աննախադեպ քանակությամբ մարդկանց։ Այս մասին հաղորդում է UNIAN-ը:
Նման հայտարարություն է արել ՈՒԱԾ-ի մամուլի քատուղար Մարինա Օստապենկոն: «Վերջին մեկ ամսվա ընթացքում մենք ձերբակալել ենք դիվերսիոն և լրտեսական այնքան խմբեր, որքան ձերբակալվել է Ուկրաինայի անկախության ողջ ընթացքում»,- նշել է նա: Նրա խոսքերով` դիվերսանտներն ու լրտեսները ժամանում են Ուկրաինա զինված ուժերի տեղաշարժի մասին տեղեկություններ հավաքելու համար, պարզելու նրանց տեղակայման վայրերը:
Բացի այդ, ՈՒԱԾ-ի տվյալներով` դիվերսանտները զբաղվում են Ուկրաինայի քաղաքացիների հավաքագրմամբ և նրանց գումար փոխանցելով, ինչի դիմաց վերջիններս զբաղվում են սադրիչ գործողություններով և տեղեկություններ փոխանցում:
