Ուկրաինայում ռազմական գործողություններն ընթանում են ծանր հրետանու գործածությամբ

Ուկրաինայի Դոնեցկի մարզի Կարլովկա եւ Պեսկի գյուղերի շրջակայքում այս գիշեր մարտեր են եղել ծանր հրետանու օգտագործմամբ։ Այս մասին հաղորդում է Դոնեցկի քաղխորհրդի մամուլի ծառայությունը։

Հաղորդագրությունում նաեւ նշվում է, որ այս գիշեր Դոնեցկի շատ շրջաններում լսվել են պայթյունների ձայներ։ Ընդհանուր առմամբ, քաղաքային իշխանությունների հավաստմամբ՝ Դոնեցկում իրադրությունը կայուն է։