Ավստրալիայի վարչապետ Թոնի Էբոթը հայտարարել է, որ Ռուսաստանի մասնակցությունը Մեծ 20-յակի գագաթնաժողովին պայմանավորված է Ուկրաինայում կործանված ինքնաթիռի հետաքննության արդյունքներից։ Այս մասին հաղորդում է Reuters գործակալությունը։ «Եկե՛ք սպասենք և տեսնենք, թե իրականում ինչ է տեղի ունեցել», — ասել է Էբոթը։
Հիշեցնենք, որ ավելի վաղ Էբոթն ասել էր, որ կասկած չկա, որ ինքնաթիռը խփվել է հակաօդային պաշտպանության հրթիռով, որը անջատողականներին է փոխանցել Ռուսաստանը։ Նա շեշտել է, որ Ռուսաստանն ուղիղ պատասխանատվություն է կրելու, եթե դա ապացուցվի։
Հիշեցնենք, որ երեկ Ուկրաինայի տարածքում ռուսամետ անջատողականների արձակած հրթիռից խոցվել և կործանվել է մալայզիական ինքնաթիռ, որում եղել է 280 ուղևոր և անձնակազմի 15 անդամ։
