Ուկրաինայի կառավարությունը որոշում է կայացրել երկրի ապակենտրոնացման հարցը քննարկել սահմանադրական բարեփոխումների իրականացման շրջանակներում։ Այս որոշումը կայացվել է երեկ ուշ երեկոյան կառավարության արտահերթ նիստի ժամանակ, որը հաջորդել է Ժնևում ընդունված փաստաթղթին։
Կառավարության որոշման համաձայն՝ նախարարները, գործադիր մարմինների ղեկավարները, շրջանների և Կիևի շրջխորհրդի ղեկավարները մինչև 2014 թվականի հոկտեմբերի 1-ը պետք է իրականացնեն Սահմանադրությունում համապատասխան փոփոխությունների հարցը։ Քննարկումների կազմակերպումը հանձնարարվել է տարածքային զարգացման, շինարարության նախարարությանը։
