Եվրահանձնաժողովի նախագահ Ժոզե Մանուել Բառոզուն Միլանում ելույթի ժամանակ ասել է, որ Ուկրաինայի երիտասարդությունը սառած փողոցներում Եվրոպայի նոր պատմությունն է գրում:
Բառոզուն այս բառերը ընդգրկել է «Եվրոպայի նոր պատմությունը» համաժողովի իր ելույթում: Խոսելով Եվրոպայում տարածված բացասական երևույթների մասին, ինչպիսիք են պոպուլիզմը, ծայրահեղականությունը, քսենոֆոբիան և ռասիզմը՝ Բառոզուն ասել է, որ եվրոպացիները պետք է հատեն հարմարավետության սահմանը, տղամարդկություն գտնեն և պայքարեն, որպեսզի բոլորին ցույց տան, թե «ինչու ենք մենք հոգ տանում Եվրոպայի մասին, ինչու մենք պետք է պահպանենք Եվրոպան այդ արժեքները պաշտպանելու համար»:
